2021 წლის 15 ნოემბერს, მთელ მსოფლიოში აღინიშნა ჭიპლარის სისხლის მსოფლიო დღე. ამ დღისადმი მიძღვნილ კონფერენციაზე ჭიპლარის სისხლის ტრანსპლანტაციის პიონერმა, ფრანგმა პროფესორმა ელიან გლუკმანმა თავის მოხსენებაში მიმოიხილა მომავლის პერსპექტივები, რომელიც იშლება ჩვენს წინაშე ჭიპლარის სისხლის გამოყენებაში უჯრედული თერაპიის, გენური თერაპიის და იმუნური თერაპიისთვის.
მან აღნიშნა, რომ უახლოეს მომავალში უმნიშვნელოვანესი იქნება შემდეგი მიმართულებები:
სისხლმბადი ღეროვანი უჯრედების გამრავლება:
-მეზენქიმური ღეროვანი უჯრედების დახმარებით
-ნიკოტინამიდით
-UM171
-სპილეძნის ხელატებით
-Notch ლიგანდით
-MGTA-456-ით
სისხლმბადი ღეროვანი უჯრედების მიდიფიკაცია ჰოუმინგის (ჩანერგვის) გაუმჯობესების მიზნით:
-DPP-IV ინჰიბიცია
-პუსლთერაპია dmPEG2
-3a კომპლემენტის ფრაგმენტის პრაიმინგი
-ჭიპლარის სისხლის ფუკოზილაცია
-ძვალშიდა ინფუზია.
მულტივირუს სპეციფიური T უჯრედები (VST)
ბუნებრივი კილერი უჯრედების (NK) ტრანსდუქცია ქიმერული ანტიგენური რეცეპტორები
ბუნებრივი კილერი უჯრედების (NK) გამრავლება რეციდივის თავიდან ასაცილებლად
Treg უჯრედების გამრავლება GVHD თავიდან ასაცილებლად.
გლუკმანის თქმით, ამერიკის ჰემატოლოგთა საზოგადოების (AHS) მიერ სისხლმბადი ღეროვანი ღეროვანი უჯრედების კვლევების პრიორიტეტული მიმართულებები ასე განისაზღვრა: ღეროვანი უჯრედების თვითგანახლების, რეგენერაციის და დიფერენცირების რთული მექანიზმების დეტალური შესწავლა. ჭიპლარის სისხლის კვლევის მიმართულებები მიმართულებით კი ეს ამოცანები განისაზღვრა ჭიპლარის სისხლის და ჭიპლარის ქსოვილის ღეროვანი უჯრედების აუტოიმუნური დაავადებების, ნეიროგანვითარების დაავადებების (აუტიზმი და ცერებრული დამბლა), ცერებრული ჰიპოქსიისა და რეგენერაციულ მედიცინაში სამკურნალოდ გამოყენებაში. ასევე ეთნიკური უმცირესობებში გენეტიკური, განსაკუთრებით HLA სისტემის (რომელიც უმნიშვნელოვანესია იმუნოთავსებადობის განსაზღვრაში) თავისებურებების დადგენა, ჭიპლარის სისხლის გამრავლებებული იმუნური სისტემის უჯრედებით იმუნოთერაპიის განვითარება (CAR-T, CAR-NK, CTL უჯრედებით სისმსივნის რეციდივის პრევენცია, ანტივირუსული CTL, და T ლიმფოციტების წინამორბედებით იმუნური სისტემის სწრაფი აღდგენა) .
ძალიან მნიშვნელოვანი და ახალი მიმართულებაა გენომის რედაქტირება (ედიტინგი) და უჯრედული თერაპია. დაზიანებული გენების აღდგენა სიმსივნური და არასიმსივნური (მათ შორის თანდაყოლილი გენეტიკური დაავადებების სამკურნალოდ) უახლესი ტექნოლოგიების მეშვეობით (CRISP/Cas9 ტექნოლოგიის გამოყენება საკუთარი ჭიპლარის სისხლის რედაქტირებისთვის), რაც გამოსადეგი იქნება თანდაყოლილი გენეტიკური დაავადებების, მათ შორის ჰემოგლობინოპათიების, მაგ, თალასემიის სამკურნალოდ გენური თერაპიის მეთოდით.